Ethnigrwydd o gwmpas y byd (beta)

Yr Inuit yw pobl frodorol yr Arctig yn Alaska, gogledd Canada, yr Ynys Las, a Siberia. Gan fod eu nifer oddeutu 200,000 ar hyn o bryd, mae'r Inuit yn debygol o fod yn ddisgynyddion un o'r tonnau diweddarach o ymfudiad o ogledd-ddwyrain Asia dros Gulfor Bering yn ystod yr Oes Iâ ddiwethaf. Mae diwylliant yr Inuit wedi datblygu dulliau dyfeisgar ar gyfer goroesi rhai o'r amodau byw mwyaf garw ar y Ddaear. Dyfeisiasant offer ar gyfer hela a physgota o ddefnyddiau prin, gan gynnwys slediau cŵn a chaiacau wedi'u hinswleiddio. Bu raid iddynt hefyd wneud addasiadau genetig penodol i'w hamgylchedd: mae'r Inuit wedi datblygu gallu i oroesi ar ddeiet sy'n uchel mewn protein anifeilaidd ac yn hynod o uchel mewn braster, gydag ychydig iawn o fater planhigion ar gael i'w fwyta.